“ЭкаСтудыя” – гэта месца для неабыякавых людзей, якія ведаюць пра асноўныя экалагічныя праблемы, разумеюць сваё права на здаровае навакольнае асяроддзе і гатовыя нешта мяняць у сваім асяроддзі. Тут ўдзельнікі пазнаёміліся з асноўнымі дзеючымі асобамі зялёнага руху Беларусі, навучыліся працаваць над рашэннем экалагічных праблем і рэалізоўваць свае праекты.
Удзельнікі «ЭкаСтудыі» знаёміліся з асноўнымі экалагічнымі прынцыпамі і праблемамі Беларусі і горада Гродна, а таксама садзейнічалі развіццю экалагічнага руху Гарадзеншчыны праз распрацоўку праектаў.
У рамках «ЭкаСтудыі» былі рэалізаваны акцыі і праекты, накіраваныя на развіццё экалагічнага руху ў Гродне:
–акцыя ў рамках Сусветнага дня без аўтамабіля
–навагодні ЭкаWeekend
–праект «Зялёны горад»
Тэмы сустрэч ЭкаСтудыі:
1. Спажыванне. Віды тары розніца ў пластыцы.
Колькі на самай справе каштуе ўпакоўка і ці так яна бяспечная? Увесь ці пластык аднолькавы? Якія пластыкавыя бутэлькі атрутныя і іх нельга выкарыстоўваць паўторна?
2. Спажыванне: смецце.
Колькі каштуе смецце і хто на ім зарабляе. Што адбываецца са смеццем пасля таго, як Вы яго выкінеце і як ён уплывае на глебу, расліны, жывёл і людзей.
3. Склад прадуктаў і штрых-код
Склад прадуктаў і што крыецца за доўгімі назвамі хімічных рэчываў і Е-кодам, як па штрых-коду вызначыць у якой краіне выраблены тавар?
4. Хімічныя дабаўкі і ГМА
Што крыецца за шматлікімі кансервантамі, узмацняльнікамі густу, араматызатарамі. Чым яны небяспечныя і што цягнуць за сабой. Што такое ГМА і чым яно пагражае Вам і Вашым блізкім.
5. Вітаміны і мінералы
Ці ўсё вітаміны сумяшчальныя паміж сабой? Якія полівітамінныя комплексы лепш? Што такое хелатные вітаміны? Авітаміноз і як з ім спраўляцца.
6. Ідзем па пакупкі.
Занятак-экскурсія.
7. Экалагічны новы год
Як накрыць навагодні стол экалагічна, эканамічна і карысна.
