Падзеі
Цяпліца моладзевых ініцыятыў – запрашаем!

Дарагі дружа, дарагая сяброўка!

Мы ўпэўненыя, што Ты хочаш развівацца, быць карыснай людзям, рабіць гэты свет лепшым.

Менавіта для такіх людзей мы ствараем у Гродна Цяпліцу моладзевых ініцыятыў і спадзяемся, што ТЫ далучышся да нас!

Цяпліца моладзевых ініцыятыў - запрашаем!

Цяпліца – гэта інтэнсіўны навучальны курс, у межах якога вы авалодаеце цэлым шэрагам важных для жыцця ў сучасным грамадстве кампетэнцый: мэтавызначэнне, планаванне дзейнасці, крытычнае мысленне, кіраванне канфліктамі, прыняццё рашэнняў, аргументацыя ўласнай пазіцыі і актыўнае слуханне.

Цяпліца дапаможа таксама распрацаваць і рэалізаваць разам з новымі сябрамі грамадска-карысныя праекты і акцыі, пазнаёміцца з вялікай колькасцю людзей, якія штодня імкнуцца зрабіць наш горад больш камфортным і цікавым для жыцця.

Праграма навучання ў межах Цяпліцы будзе складацца з заняткаў па вечарах (звычайна – адзін раз у тыдзень працягласцю 2-3 гадзіны), сустрэч з вядомымі гарадзенскімі грамадскімі актывістамі і актывісткамі, а таксама некалькіх трэнінгаў, якія будуць адбывацца ў выходныя дні. Мы думаем таксама над онлайн-фарматамі заняткаў Цяпліцы.

Цяпліца моладзевых ініцыятыў - запрашаем!

Заняткі ў Цяпліцы будуць весці вядомыя гарадзенскія актывісты і актывісткі, якія маюць вялізны досвед арганізацыі адукацыйных, экалагічных, культурніцкіх, краязнаўчых і іншых праектаў і імпрэзаў.

Прапануем  паглядзець папярэднюю праграму заняткаў Цяпліцы:


8 ліпеня, 18.00-21.00

Адчыняем Цяпліцу: прэзентацыя праграмы, знаёмства з удзельнікамі, арганізатарамі, ментарамі, трэнерамі. Узгадненне мэтаў удзелу, нормаў сумеснай працы

15 ліпеня, 18.00-21.00

Я хачу зрабіць гэты свет лепшым. Дыскутуем пра лідэрства, веды і ўменні, неабходныя лідэрам, важныя грамадзянскія кампетэнцыі, абменьваемся ідэямі ўласных грамадска-карысных праектаў. Сустрэча-гасцёўня з вядомымі гарадзенскімі актывістамі і актывісткамі

25-26 ліпеня, 10.00-16.00 

Якім/якой я хачу быць, каб змяняць гэты свет да лепшага. Зазіраем у будучыню, вучымся ставіць жыццёвыя мэты, вызначаць прыярытэты, планаваць свой час, абменьваемся ідэямі ўласных грамадска-карысных праектаў. Разбіраемся, як навучыцца прымаць рашэнні і кіраваць канфліктамі.  

5 жніўня , 18.00-21.00

Як навучыцца прымаць рашэнні і кіраваць канфліктамі. Сустрэча-гасцёўня з вядомымі гарадзенскімі актывістамі і актывісткамі.

15-16 жніўня, 10.00-16.00

Як распрацаваць праект сваёй мары: вучымся апісваць патрэбы ў рэалізацыі праекта, планаваць яго мэты, ключавыя мерапрыемствы, шукаць сродкі на рэалізацыю.

22-23 жніўня, 10.00-16.00

Як навучыцца лепш камунікаваць з іншымі людзьмі і распавядаць пра свой праект так, каб яго захацелі падтрымаць іншыя.

5 верасня, 18.00-21.00

Дзень славы: прэзентуем распрацаваныя ў межах Цяпліцы праекты і святкуем сканчэнне курса


Для таго, каб заявіцца для ўдзелу ў занятках Цяпліцы, калі ласка, запоўніце вось гэтую форму.

Дэдлайн падачы заявак – 5 ліпеня

Сачыць за магчымасцю ўдзелу ў іншых мерапрыемствах праграмы можна ў нашых групах у Фэйсбуку і Інстаграме:

https://www.facebook.com/groups/540293086589015/

https://instagram.com/hrodnayouthhub?igshid=q8jl7858bt05

Дадатковую інфармацыю пра Цяпліцу моладзевых ініцыятыў можна атрымаць таксама па тэлефоне: + 375 33 634 10 41

Падзеі

Усе падзеі

Прапановы

Запрашаем сталых гарадзенцаў ва “Універсітэт Залатога Веку”!

Калі Вы выйшлі на пенсію і ў Вас шмат вольнага часу, калі Вы хочаце развівацца, атрымліваць карысныя для жыцця ў сучасным грамадстве веды і ўменні, палепшыць сваё здароўе, быць у кампаніі цікавых і адукаваных людзей – запрашаем стаць студэнтамі праграмы...

Падрабязней

Водгукі

  • Виктория Кот, Tandem Evenings in Hrodna (немецкий языковой столик)

    Понравилось абсолютно всё! Узнала достаточно много “моментов” из культуры Германии, а также взяла на заметку места, которые хотела бы ещё посетить. Я участвовала впервые, вначале даже было как-то неловко:). В повседневной жизни очень мало общаюсь на немецком плюс недостаточный (наверное) уровень...

  • Алена Вахрамеева, Школа PR і медыякампетэнцый

    Вельмі ўдзячная за тое, што змагла ўзяць удзел у гэтым трэнінгу па PR, па прасоўванню сваёй арганізацыі. Ёсць у мяне такая мара, свой праект. І цяпер, пасля трэнінгу, я разумею тыя інструменты, дзякуючы якім гэтую мару можна дасягаць, рабіць гэтую...

  • Вольга Шарафутдзінава, Універсітэт Залатога Веку

    УЗВ – гэта унікальны жывы арганізм. Я б сказала сям’я. Я не знаёмая з устаўнымі і праграмнымі дакументамі, але я бачу прынцыпы, па якім ідзе праца. Усім цікава: і выкладчыкам, і студэнтам. Выбарны оргна – Рада – каардынуе працэс. Людзі...

  • Уладзімір Аплевіч, Школа сучаснай журналістыкі

    Навучанне ў ШСЖ, акрамя ведаў, дае магчымасць паспрабаваць сябе ў новай ролі. Больш таго, гэта выдатны шанец раскрыць сябе – курсы даюць магчымасць змяніць сваё жыццё. Выкладчыкі ШСЖ, людзі з вялікім досведам, якія працуюць як у рэгіянальных, так і ў...

Нашы партнёры

  • Беларускае рэспубліканскае геранталагічнае грамадскае аб'яднанне