Записаться на курс Подписаться на новости Отзывы Предложить курс


Чарговыя Гарадзенскія Майстэрні Ведаў ужо 13 траўня! Прымаюцца заяўкі на правядзенне заняткаў!

Заявіцца ў якасці вядучага майстар-класа альбо трэнінга можа кожны, хто мае цікавыя адукацыйна-асветніцкія ідэі. Увосень удзел у працы Майстэрняў узяло звыш ста ўдзельнікаў і выкладчыкаў. Прыём заявак на травеньскія Майстэрні ідзе ўжо зараз.

Майстэрні — як гэта працуе?

У адзін дзень, на некалькіх пляцоўках горада паралельна праходзяць некалькі майстар-класаў, прэзентацый, лекцый, трэнінгаў працягласцю да 2 гадзін, накіраваныя на атрыманне новых ведаў і кампетенцый, якія спрыяюць самарэалізацыі чалавека, выпрацоўцы і прасоўванню грамадска-карысных ідэяў.

Колькасць  і тэмы мастар-класаў залежаць ад прапаноў тых, хто заявіцца ў якасці вядучага!

_DSC5357

Майстэрні – як гэта пачалося?

Праграма «Гарадзенскія Майстэрні Ведаў» пачала сваю дзейнасць у сярэдзіне 2016 г.

У верасні, кастрычніку і лістападзе адбыліся тры Майстэрні, падчас якіх было праведзена 20 розных заняткаў на самыя розныя тэмы – экалогія, інфаграфіка, журналістыка, псіхалогія,  адукацыя і іншыя.

DSC_3134

Як стаць удзельнікам?

Вы можаце стаць удзельнікам Майстэрняў у якасці слухача, вядучага альбо ў абодвух ролях!

Калі Вы эксперт у пэўнай тэме, хочаце і гатовы перадаваць свае веды і ўменні іншым – запоўніце, калі ласка, да 16 красавіка заяўку!

Мы абярэм самыя цікавыя з прапанаваных патэнцыйнымі выкладчыкамі тэмы і на іх аснове складзем праграму травеньскіх Майстэрняў, якая будзе апублікаваная на нашым сайце пасля 22 красавіка.

Удзел у занятках у межах Майстэрняў будзе бясплатным.

Арганізатарам «Гарадзенскіх Майстэрняў Ведаў» з’яўляецца Цэнтр дадатковай адукацыі дарослых “Студыя карысных кампетэнцый”.



Добавить комментарий

Ваш e-mail не будет опубликован. Обязательные поля помечены *